ଆମ୍ବୁଲାନ୍ସ ତ୍ରୁଟିରେ ନାବାଳିକା ମୃତ୍ୟୁ ଘଟଣା: ଯୁବ କଂଗ୍ରେସର ସ୍ମାରକପତ୍ର

କେସିଙ୍ଗା / ୧୧l୭( ଷ୍ଟାର ନିୟୁଜ ଓଡିଶା ) ଗତ ଜୁଲାଇ ୯ ତାରିଖରେ ୧୦୮ ଆମ୍ବୁଲାନ୍ସର ଯାନ୍ତ୍ରିକ ତ୍ରୁଟି ଯୋଗୁଁ ଜଣେ ନାବାଳିକାଙ୍କ ମୃତ୍ୟୁ ଘଟଣାକୁ ନେଇ ଆଜି କଳାହାଣ୍ଡି ଜିଲ୍ଲା ଯୁବ କଂଗ୍ରେସ ପକ୍ଷରୁ ପ୍ରତିବାଦ ସ୍ୱର ଉଠିଛି। ଜିଲ୍ଲା ଯୁବ କଂଗ୍ରେସ ସଭାପତିଙ୍କ ନେତୃତ୍ୱରେ ଏକ ପ୍ରତିନିଧି ଦଳ ଜିଲ୍ଲା ମୁଖ୍ୟ ଚିକିତ୍ସା ଅଧିକାରୀ (CDMO)ଙ୍କ କାର୍ଯ୍ୟାଳୟକୁ ଯାଇ ସ୍ମାରକପତ୍ର ପ୍ରଦାନ କରିଛନ୍ତି। ମୃତ ନାବାଳିକାଙ୍କ ପରିବାରକୁ ଉଚିତ କ୍ଷତିପୂରଣ ପ୍ରଦାନ କରିବା ସହ ଏଭଳି ଅବହେଳାର ପୁନରାବୃତ୍ତି ନ ହେବା ପାଇଁ ଦାବି କରାଯାଇଛି।

ଯୁବ କଂଗ୍ରେସ ପ୍ରତିନିଧି ଦଳ ସ୍ମାରକପତ୍ରରେ ଉଲ୍ଲେଖ କରିଛି ଯେ, ଆମ୍ବୁଲାନ୍ସ ସେବାରେ ଯାନ୍ତ୍ରିକ ତ୍ରୁଟି ଭଳି ଘଟଣା ଅତ୍ୟନ୍ତ ଦୁର୍ଭାଗ୍ୟଜନକ। ମୃତ ନାବାଳିକାଙ୍କ ପରିବାରକୁ ସରକାରଙ୍କ ପକ୍ଷରୁ ଯଥୋଚିତ କ୍ଷତିପୂରଣ ଯୋଗାଇ ଦିଆଯାଉ। ସେହିପରି ଆମ୍ବୁଲାନ୍ସ ସେବାର ଦାୟିତ୍ୱରେ ଥିବା ଏଜେନ୍ସିକୁ ଆବଶ୍ୟକ ନିର୍ଦ୍ଦେଶ ଦେଇ ଭବିଷ୍ୟତରେ ଏପରି ଘଟଣାର ପୁନରାବୃତ୍ତି ରୋକିବା ପାଇଁ କଠୋର ପଦକ୍ଷେପ ନେବାକୁ ଦାବି କରାଯାଇଛି।