କଳାହାଣ୍ଡି ଜିଲ୍ଲା ସ୍ତରୀୟ କ୍ରୀଡା ସ୍କାଉଟ୍ ଗାଇଡ୍ସ ଓ ଜୁନିୟର ରେଡକ୍ରସ କାର୍ଯ୍ୟକାରିଣୀ ବୈଠକ l

ଭବାନୀପାଟଣା, ଆଦ୍ୟ ତା 29/7 ରିଖ( ଷ୍ଟାର ନିୟୁଜ ଓଡିଶା )ମଙ୍ଗଳବାର ଜିଲ୍ଲା ଶିକ୍ଷା କାର୍ଯ୍ୟଳୟ ସଭା ଗୃହ ରେ ଜିଲ୍ଲା ଶିକ୍ଷା ଅଧିକାରୀ ଶ୍ରୀ ରାଧାକାନ୍ତ ଛତ୍ରୀଙ୍କ ସଭାପତିତ୍ବରେ ଆୟୋଜିତ କାର୍ଯ୍ୟକ୍ରମରେ ଜିଲ୍ଲା ସ୍ତରୀୟ କ୍ରୀଡା ସଂଗଠନ, ସ୍କାଉଟ୍ ଗାଇଡ୍ସ, ଓ ଜୁନିୟର ରେଡକ୍ରସ କାର୍ଯ୍ୟକାରିଣୀ ବୈଠକ ଅନୁଷ୍ଠିତ ହୋଇଥିଲା l ଉକ୍ତ ବୈଠକରେ ଜିଲ୍ଲା ଶାରୀରିକ ଶିକ୍ଷା ଅଧିକାରୀ ରୁପସିଂ ରାଉତ ସ୍ୱାଗତ୍  ଭାଷଣ ସହ 2025/26   ର ଆର୍ଥିକ ଅନୁଦାନ ସମ୍ପର୍କରେ ତଥା ଚଳିତ ବର୍ଷ କାର୍ଯ୍ୟକ୍ରମ ଉପରେ ବକ୍ତବ୍ୟ ରଖିଥିଲେ l ଉକ୍ତ ବୈଠକରେ 13 ଟି ବ୍ଲକ ର ବ୍ଲକ ଶିକ୍ଷା ଅଧିକାରୀ, ନୋଡାଲ ଉଚ୍ଚ ବିଦ୍ୟାଳୟର ପ୍ରଧାନଶିକ୍ଷକ ଓ ସମସ୍ତ ନୋଡାଲ ସମ୍ପାଦକ, ସ୍କାଉଟ୍ ଗାଇଡ୍ ର କର୍ମକର୍ତ୍ତା, ଜୁନିୟର ରେଡକ୍ରସ ର ସମସ୍ତ କର୍ମକର୍ତ୍ତା ଯୋଗଦାନ କରିଥିଲେ l ଅତିରିକ୍ତ ଜିଲ୍ଲା ଶିକ୍ଷା ଅଧିକାରୀ ଶ୍ରୀମତୀ ଶୁଭଲକ୍ଷ୍ମୀ ନାଏକ ଓ ଶ୍ରୀ ହେମସାଗର ମହାନନ୍ଦ ଉପସ୍ଥିତ ରହି ପ୍ରତେକ କାର୍ଯ୍ୟକ୍ରମରେ ସମସ୍ତଙ୍କର ସହଯୋଗ କାମନା କରିଥିଲେ l ବିଭିନ୍ନ ବ୍ଲକ ରୁ ଆସିଥିବା ଗୋଷ୍ଟୀ ଶିକ୍ଷା ଅଧିକାରୀ ବୃନ୍ଦ ନିଜ ନିଜ ବ୍ଲକ ରେ ସୂଚାରୁ ରୂପେ କ୍ରୀଡା ପରିଚାଳନା ପାଇଁ ପ୍ରତିଶ୍ରୁତି ଦେଇଥିଲେ l ଚଳିତ ବର୍ଷ ସ୍କାଉଟ୍ ଗାଇଡ୍ସ uid code 1500 କୁ ବୃଦ୍ଧି କରିବା ପାଇଁ  ସ୍କାଉଟ୍ ଟ୍ରେନର ଶ୍ରୀ ଧୀରେନ୍ଦ୍ର କୁମାର ପଣ୍ଡା ସମସ୍ତଙ୍କୁ ନିବେଦନ କରିଥିଲେ l ଏହି କାର୍ଯ୍ୟକ୍ରମରେ ଅବସର ପ୍ରାପ୍ତ ଶାରୀରିକ ଶିକ୍ଷା ନିରୀକ୍ଷକ, ଶ୍ରୀ ମହେନ୍ଦ୍ର କୁମାର ପଣ୍ଡା, ଜୁନିୟର ରେଡକ୍ରସ ଅଫିସର ଶ୍ରୀ ନାରାୟଣ ପଧାନ, ବରିଷ୍ଠ କାଉନସେଲର ଶ୍ରୀ ସୁଦାମ ମିଶ୍ର, କ୍ରୀଡା ଶିକ୍ଷକ ଶ୍ରୀ ସୁବାଷ ନାଗ, ମନୋଜ କୁମାର ଦାସ, ଜୟକୃଷ୍ଣ ନାୟକ, ସୁନୀଲ କୁମାର ନାଏକ ଏବଂ ସ୍କାଉଟ୍ ଯୁଗ୍ମ ସମ୍ପାଦକ ଶ୍ରୀ ସନାତନ ସାହୁ, ଜିଲ୍ଲା ସ୍କାଉଟ ଗାଇଡ୍ସ  ସଂଗଠକ ଶ୍ରୀ ମନୋରଞ୍ଜନ ସାହୁ କାର୍ଯ୍ୟକ୍ରମ କୁ ସହୋଯାଗ କରିଥିଲେ l ଜିଲ୍ଲା ଶିକ୍ଷା ଅଧିକାରୀ ସମସ୍ତଙ୍କୁ ପ୍ରତେକ କାର୍ଯ୍ୟକ୍ରମ ରେ ଶୃଙ୍ଖଳା ସହ ନିର୍ଦ୍ଧିଷ୍ଟ ଭାବରେ କାର୍ଯ୍ୟ କରିବାକୁ ମାର୍ଗ ଦର୍ଶନ କରିଥିଲେ l ଶେଷରେ ରୁପସିଂ ରାଉତ ସମସ୍ତଙ୍କ ସହଯୋଗ କାମନା କରି ଧନ୍ୟବାଦ ଅର୍ପଣ କରିଥିଲେ l ଶେଷରେ ସଭାପତି ଙ୍କ ଅନୁମତି କ୍ରମେ ସଭାସାଙ୍ଗ କରାଗଲା l

କଳାହାଣ୍ଡି ଜିଲ୍ଲା ପ୍ରତିନିଧି ବିଶ୍ନୁ ଚରଣ ସ୍ଵାଇଁ ଙ୍କ ରିପୋର୍ଟ ଷ୍ଟାର ନିୟୁଜ ଓଡିଶା