ହିଲଟାଉନରେ ପଣା ସଂକ୍ରାନ୍ତି, ହନୁମାନ ଜୟନ୍ତୀ ଓ ଓଡ଼ିଆ ନବବର୍ଷ ଉପଲକ୍ଷେ ବାଇକ୍ ରାଲି; ଏ.ଏସ ଜିମ ପକ୍ଷରୁ ଭବ୍ୟ ଆୟୋଜନ

ଭବାନୀପାଟଣା ତା. ୧୪l୦୪ ( ଷ୍ଟାର ନିୟୁଜ ଓଡିଶା )ହିଲଟାଉନ ସ୍ଥିତ ଏସ ଜିମ ଆନୁକୂଳ୍ୟରେ ପଣା ସଂକ୍ରାନ୍ତି, ହନୁମାନ ଜୟନ୍ତୀ ଓ ଓଡ଼ିଆ ନବବର୍ଷ ଅବସରରେ ଏକ ଭବ୍ୟ ବାଇକ୍ ରାଲି ଆୟୋଜିତ ହୋଇଥିଲା। ଏହି ଅବସରରେ ହିଲଟାଉନରୁ ଆରମ୍ଭ ହୋଇ ମୋଟରସାଇକେଲ ଯୋଗେ ରାଲି ଇରିଗେସନ କଲୋନୀ ପର୍ଯ୍ୟନ୍ତ ଯାଇଥିଲା, ଯାହା ଅଞ୍ଚଳରେ ଉତ୍ସବମୟ ପରିବେଶ ସୃଷ୍ଟି କରିଥିଲା।
ରାଲିରେ ଯୁବମାନଙ୍କର ବିଶେଷ ଉତ୍ସାହ ଦେଖିବାକୁ ମିଳିଥିଲା। ସେମାନେ ଜାତୀୟ ଓ ସାଂସ୍କୃତିକ ସ୍ଲୋଗାନ ଦେଇ ସହରର ବିଭିନ୍ନ ରାସ୍ତା ଦେଇ ଯାତ୍ରା କରିଥିଲେ। ପରେ ରାଲି ପୁନର୍ବାର ହିଲଟାଉନକୁ ଫେରି ଏସ ଜିମ ପରିସରରେ ସମାପ୍ତ ହୋଇଥିଲା।
 ରାଲି ପରେ ଏ.ଏସ ଜିମ ପକ୍ଷରୁ ପ୍ରସାଦ ବଣ୍ଟନ କରାଯାଇଥିଲା। ଏହି କାର୍ୟକ୍ରମରେ ସ୍ଥାନୀୟ ଲୋକମାନେ ବଡ଼ ପରିମାଣରେ ଯୋଗଦେଇଥିଲେ ଓ ଉତ୍ସବର ଆନନ୍ଦ ଉପଭୋଗ କରିଥିଲେ। ଏହା ସହ ସାମାଜିକ ସଚେତନତା ଓ ସଂସ୍କୃତିକ ଏକତାର ମେସେଜ୍ ମଧ୍ୟ ପ୍ରସାରିତ ହୋଇଥିଲା।
ଏହି କାର୍ୟକ୍ରମରେ ଗୁରୁଶ୍ରୀ ଅଶୋକ କୁମାର ନାଏକ, ହିତେଶ କୁମାର ନାଏକ, ଚିତ୍ରଞ୍ଜନ ନାଏକ, ଓମରାଜ ନାଏକ ସହିତ ଅନ୍ୟାନ୍ୟ ଜିମ ସଦସ୍ୟମାନେ ବହୁ ସଂଖ୍ୟାରେ ଯୋଗଦେଇଥିଲେ। ସେମାନେ କାର୍ୟକ୍ରମକୁ ସଫଳ କରିବାରେ ସକ୍ରିୟ ଭୂମିକା ନେଇଥିଲେ।
ଏହି ପରିପ୍ରେକ୍ଷିତରେ ଜିମର ପ୍ରତିଷ୍ଠାତା ଅଶୋକ କୁମାର ନାଏକ କହିଥିଲେ ଯେ, ଆସନ୍ତା ବର୍ଷ ଏହି ପର୍ବକୁ ଆହୁରି ବଡ଼ ପରିମାଣରେ ଓ ଭବ୍ୟ ଭାବରେ ପାଳନ କରାଯିବ।
ଏହି ସମସ୍ତ କାର୍ୟକ୍ରମକୁ ଜିମ ପକ୍ଷରୁ ସୁଚାରୁ ଭାବେ ପରିଚାଳନା କରାଯାଇଥିଲା ଓ ପ୍ରତିଷ୍ଠାତା ଅଶୋକ କୁମାର ନାଏକ ନିଜେ ଉପସ୍ଥିତ ରହି ସମସ୍ତ ବ୍ୟବସ୍ଥା ଦେଖାଶୁଣା କରିଥିଲେ।