ଓଡ଼ିଶା ସ୍କୁଲ କଲେଜ ଶିକ୍ଷକ ଓ କର୍ମଚାରୀ ସମନ୍ୱୟ କମିଟି, କଳାହାଣ୍ଡି ଶାଖାର(OSCTECC) ସ୍ମାରକପତ୍ର ପ୍ରଦାନ।

ଭବାନୀପାଟଣା :- ତା. ୮/୮(ଷ୍ଟାର ନିୟୁଜ ଓଡିଶା )ଓଡ଼ିଶା ସ୍କୁଲ କଲେଜ ଶିକ୍ଷକ ଓ କର୍ମଚାରୀ ସମନ୍ୱୟ କମିଟି (OSCTECC) କଳାହାଣ୍ଡି ଶାଖା ର ସଭାପତି ସନ୍ତୋଷ କୁମାର ରଥଙ୍କ ନେତୃତ୍ୱ ରେ ୫ ଗୋଟି ପ୍ରମୁଖ ଦାବୀଗୁଡିକୁ ନେଇ ମୁଖ୍ୟମନ୍ତ୍ରୀ ଙ୍କ ଉଦ୍ଦେଶ୍ୟ ରେ କଳାହାଣ୍ଡି ଜିଲ୍ଲାପାଳ ଙ୍କ ଜରିଆରେ ସ୍ମାରକପତ୍ର ପ୍ରଦାନ କରାଯାଇଛି।ଇତି ପୂର୍ବରୁ କର୍ମଚାରୀ ସମନ୍ୱୟ ସମିତି ପକ୍ଷରୁ ଓଡିଶା ଶିକ୍ଷ୍ୟା କାର୍ଯ୍ୟାଳୟ ଏବଂ ସମ୍ପୃକ୍ତ ବିଭାଗକୁ ବାରମ୍ବାର ଅଭିଯୋଗ କରିଥିଲେ ହେଁ  ସରକାର ଏପର୍ଯ୍ୟନ୍ତ ତାଙ୍କର ସମସ୍ୟା ସମ୍ପର୍କରେ କୌଣସି ପଦକ୍ଷେପ ନେଇନାହାଁନ୍ତି। ପୂର୍ବ ସରକାର 01.01.2018 ରୁ ବ୍ଲକ ଗ୍ରାଣ୍ଟ ସିଷ୍ଟମକୁ ଉଚ୍ଛେଦ କରି ଏକ ନୂତନ GIA ନୀତି-୨୦୧୭ ପ୍ରଚଳନ କରିଛନ୍ତି।  ଅତ୍ୟନ୍ତ ଦୁଃଖର ବିଷୟ ଏହି ଯେ, ଉକ୍ତ GIA ନୀତିକୁ କୌଣସି ସେବା ସର୍ତ୍ତାବଳୀ ଏବଂ ପେନସନ ସୁବିଧା ବିନା ଅଧିସୂଚିତ ଜାରି କରାଯାଇଥିଲା। ସାରା ରାଜ୍ୟରେ ନୂତନ ସହାୟତାପ୍ରାପ୍ତ ସ୍କୁଲ ଏବଂ କଲେଜର ବହୁ ସଂଖ୍ୟକ ଶିକ୍ଷକ ଓ କର୍ମଚାରୀ ପ୍ରତି ମାସରେ ଖାଲି ହାତରେ ଅବସର ନେଉଛନ୍ତି। ସେମାନଙ୍କୁ ଜୀବନର ବାକି ସମୟ ପାଇଁ ଭୋକରେ ରହିବାକୁ ପଡୁଛି। ୧୯୪ଟି ଯୋଗ୍ୟ ହାଇସ୍କୁଲ ଏପର୍ଯ୍ୟନ୍ତ ସରକାରଙ୍କଠାରୁ ଗୋଟିଏ ବି ପାଉଣା ପାଇନାହାଁନ୍ତି। ସେମାନେ ୨୫ ବର୍ଷ କିମ୍ବା ତା’ଠାରୁ ଅଧିକ ସମୟ ପରେ କୌଣସି ଦରମା ବିନା ଅବସର ନେଉଛନ୍ତି। ସେମାନଙ୍କ S&ME ବିଭାଗର କର୍ତ୍ତୃପକ୍ଷ ଏବଂ ମାନ୍ୟବର ଆଇନ ଓ ଶିକ୍ଷା ମନ୍ତ୍ରୀଙ୍କ ସହିତ ପେନସନ, ସେବା ସର୍ତ୍ତାବଳୀ ଏବଂ G.I.A. କାର୍ଯ୍ୟାନ୍ୱୟନ ସମ୍ପର୍କରେ ବାରମ୍ବାର ଆଲୋଚନା କରାଯାଇଛି। ଅନେକ ଆଲୋଚନା ପରେ ମଧ୍ୟ ତାହା ଏପର୍ଯ୍ୟନ୍ତ ପୂରଣ ହୋଇପାରିନାହିଁ।
ତେଣୁ, ଓଡ଼ିଶା ସ୍କୁଲ କଲେଜ ଶିକ୍ଷକ ଏବଂ କର୍ମଚାରୀ ସମନ୍ୱୟ କମିଟି (OSCTECC) ର ୫ ଗୋଟି ଯଥାର୍ଥ ଅଭିଯୋଗଗୁଡ଼ିକୁ ବିଚାର କରି  ରାଜ୍ୟର ଶୈକ୍ଷିକ ବାତାବରଣ ସୁଗମ ହୋଇପାରିବ ବୋଲି ସଙ୍ଘ ତରଫରୁ ବିନମ୍ର ଅନୁରୋଧ କରାଯାଇଛି। ୫ ଗୋଟି ପ୍ରମୁଖ ଦାବୀ ଗୁଡିକ ହେଲା,
ସମସ୍ତ ଯୋଗ୍ୟ ହାଇସ୍କୁଲ ଏବଂ କଲେଜକୁ GIA ଫୋଲ୍ଡରେ ସାମିଲ କରିବା। ମାନ୍ୟବର ଓଡିଶା ହାଇକୋର୍ଟଙ୍କ ରାୟ ଅନୁଯାୟୀ ନୂତନ ସହାୟତାପ୍ରାପ୍ତ ହାଇସ୍କୁଲ ଏବଂ କଲେଜର ଶିକ୍ଷକ ଏବଂ କର୍ମଚାରୀମାନଙ୍କୁ ପେନସନ ଏବଂ ସେବା ସର୍ତ୍ତାବଳୀ ପ୍ରଦାନ କରିବା।
ଅବସର ବୟସ ସୀମା ୬୦ ରୁ ୬୨ ବର୍ଷକୁ ବୃଦ୍ଧି। ହାଇସ୍କୁଲ ଏବଂ କଲେଜ ପାଇଁ ନୂତନ ସ୍ଥାୟୀ ନିଯୁକ୍ତି ପାଇଁ ବ୍ୟବସ୍ଥା ଶୀଘ୍ର ଆରମ୍ଭ କରାଯିବା।
ସମସ୍ତ ପୂର୍ଣ୍ଣ ସହାୟତାପ୍ରାପ୍ତ ଏବଂ ନୂତନ ସହାୟତାପ୍ରାପ୍ତ ହାଇସ୍କୁଲ ଏବଂ କଲେଜର ସରକାରୀକରଣ।
ସମସ୍ତ ବର୍ଗ ପାଇଁ ଗ୍ରେଡ୍ ପେରେ ଅସଙ୍ଗତିର ପରିହାର ଏବଂ ଚୁକ୍ତିଭିତ୍ତିକ ଶିକ୍ଷକଙ୍କ ପାଇଁ ଛଅଟି ନୋକ୍ସନାଲ ଇନ୍କ୍ରିମେଣ୍ଟ ବୃଦ୍ଧି ଅନ୍ତର୍ଭୁକ୍ତ କରିବା ଇତ୍ୟାଦି।ଏହି ଦାବିପତ୍ର ଦେବା ଅବସରରେ ସନ୍ତୋଷ କୁମାର ରଥ ସଭାପତିଓସଷ୍ଟା, ପ୍ରଭାତ କୁମାର ରଥ ସାଧାରଣ ସମ୍ପାଦକ ଓସଷ୍ଟା, ଶାରଙ୍ଗଧର ଠାକୁର, ଉପସଭାପତି, ଭବାନୀ ଶଙ୍କର ମିଶ୍ର ଏଡଭାଇଜର, ସନନ୍ତ ପଟ୍ଟଯୋଶୀ ବ୍ଲକ ସମ୍ପାଦକ କୋକସରା, ଚନ୍ଦ୍ରହାସ୍ୟ ମେହେର ବ୍ଲକ ସମ୍ପାଦକ ଜୁନାଗଡ଼, ପୁର୍ଣ ଚନ୍ଦ୍ର ଚଣ୍ଡୀ ବ୍ଲକ ସମ୍ପାଦକ ଲାଞ୍ଜିଗଡ, ସତ୍ୟ ନାରାୟଣ ଚଳାନ ବ୍ଲକ ସମ୍ପାଦକ ଗୋଲାମୁଣ୍ଡା, ସୂର୍ଯ୍ୟ ପ୍ରସାଦ ଠାକୁର ଯୁଗ୍ମ ସମ୍ପାଦକ ଓସଷ୍ଟା, ବିଷ୍ଣୁ ଚରଣ ଗୌଡ଼, ଯୁଗ୍ମ ସମ୍ପାଦକ ଓସଷ୍ଟା,ଆଶିଷ କୁମାର ମେହେର ପ୍ରମୁଖ ଉପସ୍ଥିତ ଥିଲେ।

କଳାହାଣ୍ଡି ଜିଲ୍ଲା ପ୍ରତିନିଧି ବିଶ୍ନୁ ଚରଣ ସ୍ଵାଇଁ ଙ୍କ ରିପୋର୍ଟ ଷ୍ଟାର ନିୟୁଜ ଓଡିଶା