ଚଚା ସିଦ୍ଧି ବିନାୟକ ପୂଜା କମିଟି ପକ୍ଷରୁ ଧୂମଧାମରେ ଗଣେଶ ପୂଜା ପାଳିତ ।

ଝରିଗାଁ,୨୯l୮ (ଷ୍ଟାର ନିୟୁଜ ଓଡିଶା): ନବରଙ୍ଗପୁର ଜିଲ୍ଲା ଝରିଗାଁ ବ୍ଲକ ଚଚା ପଂଚାୟତ ସଦର ମହକୁମା ଠାରେ ସିଦ୍ଧି ବିନାୟକ ପୂଜା କମିଟି ପକ୍ଷରୁ ପ୍ରତିବର୍ଷ ଭଳି ଚଳିତ ବର୍ଷ ବି ବେଶ ଧୂମଧାମରେ ଗଣେଶ ଚତୁର୍ଥୀ ପାଳିତ ହେଉଥିବା ଦେଖିବାକୁ ମିଲିଛି |ଦୀର୍ଘ 10ବର୍ଷ ହେବ ଗ୍ରାମର ଯୁବଗୋଷ୍ଠୀ ଏକତ୍ରିତ ହୋଇ ସିଦ୍ଧି ବିନାୟକ ପୂଜା କମିଟି ନାମରେ ଏକ କମିଟି ଗଠନ କରି ଗ୍ରାମରେ ବିଭିନ୍ନ କାର୍ଯ୍ୟକ୍ରମ ସବୁ ଆୟୋଜନ କରି ଗ୍ରାମବାସୀଙ୍କୁ ଏକତାର ଡୋରିରେ ବାନ୍ଧି ରଖିଛନ୍ତି |ଏହି କମିଟି ଗ୍ରାମବାସୀଙ୍କ ମଧ୍ୟରେ ଭାତୃଭାବ, ଅତ୍ମୀୟତା ଭାବ ତଥା ସମ୍ପୂର୍ଣ୍ଣ ଗ୍ରାମବାସୀଙ୍କୁ ଗୋଟେ ମାର ଛୁଆ ଭଳି ଅତି ଘନିଷ୍ଠ ସମ୍ପର୍କ ରକ୍ଷା କରିବାରେ ବେଶ ସହାୟକ ହୋଇଥିବା ଜଣାଯାଏ |ସିଦ୍ଧି ବିନାୟକ ପୂଜା କମିଟି ଚଚାରଝରିଗାଁ ବ୍ଲକ ଅଧ୍ୟକ୍ଷ ତଥା ସିଦ୍ଧି ବିନାୟକ ପୂଜା କମିଟି ସଭାପତି ଶ୍ରୀ ଦୁର୍ଗା ପ୍ରସାଦ ମାଝୀ,ସମ୍ପାଦକ ହିରଣ୍ୟ ହରିଜନ, କର୍ଣ୍ଣ ଗୌଡ଼ ନୀଳକଣ୍ଠ ହରିଜନ, ବାବୁଲା ମାଝୀ, ସୁନିଲ୍ ମାଝୀ, ଗୋକୁଳ ପାଇକ,ସୁରେଶ୍ ନାୟକ, ତ୍ରିନାଥ ଗୌଡ଼, ସଦା ମାଝୀ, ସତ୍ୟରାମ ପାଇକ, ମାନସାଇ ହରିଜନ, ପିଣ୍ଟୁ ପୂଜାରୀ, ଗୁଦୁଲୁ ବିଷୋୟୀ, ସତ୍ୟ ଗୌଡ଼, କୈଳାଶ ନାୟକ, ଦୁସମନ୍ ନାୟକ, ଦାସ ହରିଜନ, ସତ୍ୟରାମ ମାଝୀ, କୈଳାଶ ମାଝୀ, ଟେମରାଜ ପାଇକ, ନକୁଳ ଗୌଡ଼, ପ୍ରମୁଖଙ୍କ ପ୍ରଚେଷ୍ଟାରେ ଗ୍ରାମରେ ଭାଇଚାରା ବଞ୍ଚି ରହିଛି |ଯେ କୌଣସି ଆଞ୍ଚଳିକ ପର୍ବ ପର୍ବାଣୀ ହେଉ ଅବା ଜାନିଯାତ୍ରା, ସବୁଥିରେ ଏହି କମିଟିର ସଦସ୍ୟମାନେ ପ୍ରମୁଖ ଭୂମିକା ତୁଲେଇ ଆସୁଛନ୍ତି ଓ ଗାଁରେ ଶାନ୍ତିମୈତ୍ରୀ ବଜାୟ ରଖିଛନ୍ତି |ଚଳିତ ବର୍ଷ ମଧ୍ୟ କମିଟିର ସଦସ୍ୟମାନଙ୍କ ଉଦ୍ୟମ ଓ ଚେଷ୍ଟା ଗ୍ରାମରେ ଆଧ୍ୟାତ୍ମିକ ପରିବେଶ ସୃଷ୍ଟି କରିଛି |ଗାଁରେ ହର୍ଷ ଉଲ୍ଲାସର ସହ ଗଣେଶ ପୂଜା ଓ ନୁଆଁଖାଇ ପର୍ବ ପାଳିତ ହେଉଛି |ଶ୍ରୀ ଗଜାନନଙ୍କ ବିସର୍ଜନ ଆସନ୍ତା ମାସର 7ତାରିଖରେ ହେବାକୁ ଥିବା ବେଳେ ଆସନ୍ତା ମାସର 3ତାରିଖ(ବୁଧବାର )ରେ ସାଂସ୍କୃତିକ ସୂର ସଂଗୀତ ମେଲୋଡି କାର୍ଯ୍ୟକ୍ରମ ରଖା ଯାଇଥିବା କମିଟି ପକ୍ଷରୁ ସୂଚନା ମିଲିଛି |ଏଥିପାଇଁ କମିଟି ସମ୍ବଲପୁର ଗାୟକ ଅମର ଦାଶ ଓ ତାଙ୍କ ଟିମକୁ ନିମନ୍ତ୍ରଣ କରିଥିବା କମିଟି ପକ୍ଷରୁ ସୂଚନା ମିଲିଛି |
ନବରଙ୍ଗପୁରରୁ ସ୍ୱତନ୍ତ୍ର ପ୍ରତିନିଧି ସବ୍ୟସାଚୀ ଭରତିଆଙ୍କ ରିପୋର୍ଟ ଷ୍ଟାର ନିୟୁଜ ଓଡ଼ିଶା |
What's Your Reaction?






