ଦିନରାତି ଅକ୍ଲାନ୍ତ ପରିଶ୍ରମ କରି ଗ୍ରାମବାସୀଙ୍କୁ ପାଣି ଯୋଗେଇଲେ ଏସିଏମ ।ଏସିଏମ ଓ ସରପଞ୍ଚଙ୍କୁ ଧନ୍ୟବାଦ ଜଣାଇଲେ ଗ୍ରାମବାସୀ ।

Aug 30, 2025 - 08:34
Aug 30, 2025 - 08:39
 0  22
ଦିନରାତି ଅକ୍ଲାନ୍ତ ପରିଶ୍ରମ କରି ଗ୍ରାମବାସୀଙ୍କୁ ପାଣି ଯୋଗେଇଲେ ଏସିଏମ ।ଏସିଏମ ଓ ସରପଞ୍ଚଙ୍କୁ ଧନ୍ୟବାଦ ଜଣାଇଲେ ଗ୍ରାମବାସୀ ।

ଝରିଗାଁ,୩୦l୮ (ଷ୍ଟାର ନିୟୁଜ ଓଡିଶା ): ଦୀର୍ଘ 8ଦିନ ହେବ ପାଣି ମଟର ଖରାପ ଥିବା ଯୋଗୁଁ ପାଣି ପାଇଁ ନାହିଁନଥିବା ସମସ୍ୟା ଭୋଗୀଆଉଥିଲେ ଗ୍ରାମବାସୀ |ଏହି ଖବରଟି ଏସିଏମ ଙ୍କ କର୍ଣ୍ଣ ଗୋଚର ହେବା ପରେ ସେ ସରପଞ୍ଚ ପ୍ରତିନିଧି ରମେଶ ହରିଜନଙ୍କୁ ଜଣେଇବା ପରେ ସେ ସାମାନ ଆଣିବାକୁ ନିଜ ହାତରୁ 20ହଜାର ଟଙ୍କା ଦେଇ ମରାମତି କରିବାକୁ କହିଥିଲେ |ଏସିଏମ ନରସିଂ ହରିଜନ ଉମରକୋଟ ଯାଇ ସାମାନ ଆଣିବା ପରେ ମଟର ମରାମତି ପାଇଁ ଦିନରାତି ଏକ କରିଦେଇଥିଲେ |ଏପରି କି ନୁଆଁଖାଇ ଭଳି ତିହାର ଦିନରେ ମଧ୍ୟ ଘରକାମକୁ ପଛରେ ପକେଇ ମଟର ମରାମତି ପାଇଁ ଲାଗିପଡ଼ିଥିଲେ |ଦୀର୍ଘ ଘଣ୍ଟା ଧରି ଅକ୍ଲାନ୍ତ ପରିଶ୍ରମ କରିବା ପରେ ମଟର ମରାମତି ହୋଇଥିଲା ଓ ଗ୍ରାମବାସୀ ପିଇବା ପାଣି ପାଇଥିଲେ |ନବରଙ୍ଗପୁର ଜିଲ୍ଲା ଝରିଗାଁ ବ୍ଲକ ପାଲିଆ ପଂଚାୟତ ଅନ୍ତର୍ଗତ ବଡ଼ନୀ ଗ୍ରାମର ଏ ହେଉଛି ଘଟଣା |ଦୀର୍ଘ ସାତ ଦିନ ଧରି ମଟର ସମସ୍ୟା ଥିବାରୁ ଗ୍ରାମରେ ପାଣି ସମସ୍ୟା ଲାଗି ରହିଥିଲା |ପାଲିଆ ପଂଚାୟତର ଏସିଏମ ନରସିଂ ହରିଜନଙ୍କ କାନରେ ଏହି ଖବର ବାଜିବା ପରେ ସେ ସଂଗେ ସଂଗେ ସରପଞ୍ଚ ପ୍ରତିନିଧି ରମେଶ ହରିଜନଙ୍କୁ ଜଣେଇଥିଲେ ଓ ରମେଶ ଙ୍କ ଠାରୁ 20ହଜାର ଟଙ୍କା ନେଇ ଉମରକୋଟ ଯାଇ ସାମାନ ଆଣି ମଟର ମରାମତି ପାଇଁ ଦିନରାତି ଏକ କରିଦେଇଥିଲେ |ନୁଆଁଖାଇ ଭଳି ପର୍ବରେ ମଧ୍ୟ ସେ କାର୍ଯ୍ୟକୁ ଅବହେଳା ନକରି ଦୀର୍ଘ ଘଣ୍ଟା ଧରି ଅକ୍ଲାନ୍ତ ପରିଶ୍ରମ କରିଥିଲେ ଓ ମଟର ମରାମତି କରି ଜନସାଧାରଣଙ୍କୁ ପାଣି ଯୋଗେଇ ଦେଇଥିବା |ନରସିଂ ହରିଜନଙ୍କ ଏଭଳି ନିଷ୍ଠାପର କାର୍ଯ୍ୟ ଓ ସରପଞ୍ଚ ପ୍ରତିନିଧି ରମେଶ ହରିଜନଙ୍କ ଏଭଳି ମହତ କାର୍ଯ୍ୟ ପାଇଁ ଗ୍ରାମବାସୀ ଉଭୟଙ୍କୁ ଧନ୍ୟବାଦ ଜଣେଇବା ସହିତ ବେଶ ପ୍ରଶଂସା ମଧ୍ୟ କରିଛନ୍ତି |ସବୁ ପଂଚାୟତରେ କାର୍ଯ୍ୟରତ ଏସିଏମ ମାନେ ଯଦି ନରସିଂ ଙ୍କ ପରି ହୁଅନ୍ତେ ଓ ସରପଞ୍ଚ ପ୍ରତିନିଧି ରମେଶ ହରିଜନ ଙ୍କ ଭଳି ଉଦାର ମନଭାବ ରଖନ୍ତେ କୌଣସି ଗ୍ରାମରେ ପାଣିକୁ ନେଇ କୌଣସି ପ୍ରକାର ସମସ୍ୟା ଦେଖା ଦେବନାହିଁ ବୋଲି ଗ୍ରାମବାସୀ ନିଜ ନିଜ ପ୍ରତିକ୍ରିୟାରେ କହିଛନ୍ତି |

ନବରଙ୍ଗପୁରରୁ ସ୍ୱତନ୍ତ୍ର ପ୍ରତିନିଧି ସବ୍ୟସାଚୀ ଭରତିଆଙ୍କ ରିପୋର୍ଟ ।

What's Your Reaction?

like

dislike

love

funny

angry

sad

wow