ଅନ୍ନପୂର୍ଣ୍ଣା ଯୋଜନାର ବଡ଼ ଉପହାର : ହିତାଧିକାରୀଙ୍କୁ ମିଳିବ ୧୦ କେଜି ମାଗଣା ଚାଉଳ

Jun 07, 2026 - 19:47

0 15

ଅନ୍ନପୂର୍ଣ୍ଣା ଯୋଜନାର ବଡ଼ ଉପହାର : ହିତାଧିକାରୀଙ୍କୁ ମିଳିବ ୧୦ କେଜି ମାଗଣା ଚାଉଳ

କେସିଙ୍ଗା/ଭୁବନେଶ୍ୱର, ତା. ୭/୬ (ଷ୍ଟାର ନ୍ୟୁଜ ଓଡ଼ିଶା): ଓଡ଼ିଶା ସରକାରଙ୍କ ପକ୍ଷରୁ ରାଜ୍ୟର ଖାଦ୍ୟ ସୁରକ୍ଷା ବ୍ୟବସ୍ଥାକୁ ଆହୁରି ସୁଦୃଢ଼ କରିବା ପାଇଁ ମୁଖ୍ୟମନ୍ତ୍ରୀ ଅନ୍ନପୂର୍ଣ୍ଣା ଯୋଜନା (MAPY) ଆସନ୍ତା ୧୨ ତାରିଖରେ ଔପଚାରିକ ଭାବେ ଲଞ୍ଚ ହେବାକୁ ଯାଉଛି। ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଓ ଖାଦ୍ୟ ଯୋଗାଣ ଏବଂ ଖାଉଟି କଲ୍ୟାଣ ମନ୍ତ୍ରୀ କୃଷ୍ଣଚନ୍ଦ୍ର ପାତ୍ର ଏହି ଯୋଜନାର ଶୁଭାରମ୍ଭ କରିବେ।

ଏହି ଯୋଜନା ଅନୁସାରେ, ଜାତୀୟ ଖାଦ୍ୟ ସୁରକ୍ଷା ଆଇନ (NFSA) ଓ ରାଜ୍ୟ ଖାଦ୍ୟ ସୁରକ୍ଷା ଯୋଜନା (SFSS) ଅଧୀନରେ ଥିବା ହିତାଧିକାରୀମାନେ ବର୍ତ୍ତମାନ ମିଳୁଥିବା ୫ କେଜି ଚାଉଳ ସହ ଅତିରିକ୍ତ ୫ କେଜି ଚାଉଳ ପାଇବେ। ଫଳରେ ପ୍ରତ୍ୟେକ ହିତାଧିକାରୀଙ୍କୁ ମୋଟ ୧୦ କେଜି ଚାଉଳ ମାଗଣାରେ ମିଳିବ।

ରାଜ୍ୟର ପ୍ରାୟ ୩.୨୮ କୋଟିରୁ ଅଧିକ ଲୋକ ଏହି ଯୋଜନାର ସୁବିଧା ପାଇବେ। ବିଶେଷ କରି ଗରିବ, ନିମ୍ନ ଆୟ ବର୍ଗ ଓ ଖାଦ୍ୟ ସୁରକ୍ଷା ଉପରେ ନିର୍ଭରଶୀଳ ପରିବାରମାନଙ୍କ ପାଇଁ ଏହା ଏକ ବଡ଼ ସହାୟତା ସାବ୍ୟସ୍ତ ହେବ। ଯୋଜନା ମାଧ୍ୟମରେ ରାଜ୍ୟ ସରକାର ଖାଦ୍ୟ ନିରାପତ୍ତା ସୁନିଶ୍ଚିତ କରିବା ସହ ସାଧାରଣ ଲୋକଙ୍କ ଜୀବନଯାପନରେ ସହାୟକ ହେବାକୁ ଲକ୍ଷ୍ୟ ରଖିଛନ୍ତି।